काठमाडौः महिन्द्रा एन्ड महिन्द्राका लागि नेपालको आधिकारिक विक्रेता अग्नि ग्रुपले नेपालको पहिलो ‘नेपाल एग्रिटेक, २०१७’ मा आफ्नो सम्पूर्ण कृषि समाधानको रेन्जलाई प्रदर्शनीमा राखेको छ ।
बिहीबार काठमाडौंमा भएको उक्त प्रदर्शनीमा महिन्द्रा ट्र्याक्टर अन्तर्गत अर्जुन नोभो ६०५ डिआई ४ डब्लुडी र युभो ५७५ डिआई रहेका छन् भने स्वराज ट्र्याक्टरमध्ये स्वराज ८५५ र ९६० एफई पनि राखिएको थियो । त्यसैगरी, एप्लिट्र्याक अन्तर्गत रोटेभेटरका साथै अर्थमास्टर एसएक्स् ४डब्लुडी पनि प्रदर्शनीमा राखिएको कम्पनीले जनाएको छ ।
नेपालका कृषकको जीवनमा सकारात्मक प्रभाव पार्न कृषि प्रविधिमा समृद्धिको लक्ष्यसहित महिन्द्राले उक्त कार्यक्रममा एग्रिजोनको संरचनासमेत गरेको थियो । उक्त एग्रिजोनले प्राविधिक रूपमा उन्नत महिन्द्रा नोभो तथा युभो ट्र्याक्टर, एप्लिट्र्याक इम्प्लिमेन्ट्स् र स्वराज ट्र्याक्टरसँगै चाँडै अनावरण गर्न लागिएको हो ।
महिन्द्राको उपयुक्त कृषि परामर्श तथा कृषि-अर्थशास्त्र सेवा प्रदान गर्ने फ्ल्यागसिप पहल ‘समृद्धि सेन्टर’ पनि प्रस्तुत गरिएको कम्पनीले जनाएको छ ।
प्रतिक्रिया दिनुहोस !
