तीनकुनेमा हायसले ठक्कर दिँदा मोटरसाइकल चालक घाइते
काठमाडौं: काठमाडौंको तीनकुनेस्थित गैरीगाउँ पेट्रोलपम्प नजिकै सवारी दुर्घटना भएको छ।
कोटेश्वरबाट गौशालातर्फ जाँदै गरेको बा ४ ख ५०५५ नम्बरको टोयटा हायस जम्बो र विपरीत दिशाबाट आइरहेको मोटरसाइकल आपसमा ठोक्किदा मोटरसाइकल चालक घाइते भएको महानगरीय वृत तीनकुनेका नारायण प्रसाद चिमोरियाले जानकारी दिए।
उनका अनुसार हायसको ठक्करले मोटरसाइकलको अगाडीको पाङग्रा भाचिएको छ भने ब्रेकमा क्षति पुगेको छ। घाइते मोटरसाइकल चालकको मीनभवनस्थित सिभिल अस्पतालमा उपचार भइरहेको छ।
प्रतिक्रिया दिनुहोस !
