ढिस्कोले पुरिएर महिलाको मृत्यु
दाङ : माटो खन्दै गर्दा ढिस्कोले पुरिएर एक महिलाको मृत्यु भएको छ । ढिस्कोले पुरिएर अर्की एक महिला घाइते भएकी छिन्।
ढिस्कोले पुरिएर पुरन्धारा ३ हस्तनापुर बस्ने ३२ बर्षीया मीना ओलीको मुत्यु भएको हो। घर लिप्ने माटो लिन गएका बेला उनलाई ढिस्कोले च्यापेर ज्यान लिएको हो ।
स्थानीयले दिएको जानकारी अनुसार घाइते महिलालाई उपचारका लागि राप्ती अञ्चल अस्पताल तुलसीपुरमा ल्याउने तयारी भइरहेको छ।
घटनाको थप विवरण आउन बाँकी छ भने प्रहरी घटना स्थलमा पुग्दै गरेको इलाका प्रहरी कार्यालय खिलतपुर पञ्चकुलेले जनाएको छ।
प्रतिक्रिया दिनुहोस !
