काठमाडौः गरिमा विकास बैंक लिमिटेडले आफ्ना सेयरधनीलाई २० प्रतिशत बोनस प्रदान गर्ने भएको छ । बैंकको शुक्रबार सम्पन्न दसौं वार्षिक साधारणसभाले हाल कायम चुक्ता पुँजीको २० प्रतिशत बोनस सेयर वितरण गर्ने निर्णय गरेको हो ।
सभाले बोनस सेयर वितरणपश्चात कायम हुने चुक्ता पुँजीमा १० बराबर ७ का दरले चुक्ता पुँजीको ७० प्रतिशत हकप्रद सेयर निष्कासन गर्ने प्रस्ताब पारित गरेको छ । साथै सभाले संस्थापक सेयरधनी समूहका तर्फबाट सञ्चालक समितिमा चार जना सदस्य चयन गरेको छ ।
समितिमा दिलिपप्रताप खाँण, आनन्दप्रसाद श्रेष्ठ, चन्द्रकान्त बराल र श्यामप्रसाद बस्याल छन् । त्यसैगरि सर्वसाधारण सेयरधनी समूहको तर्फबाट सञ्चालक समितिमा हरिकुमार श्रेष्ठ, केशवराज ढकाल र विमल पाण्डे गरी तीन जना निर्वाचित भएका छन् ।
साधारणसभापश्चात सोही दिन बसेको सञ्चालक समितिको बैठकले सञ्चालक खाँणलाई बैंक सञ्चालक समितिको अध्यक्षमा नियुक्त गरेको बैंकका प्रमुख कार्यकारी अधिकृत गोविन्दप्रसाद ढकालले बताए ।
साधारणसभाबाट पारित बोनस सेयर वितरण तथा हकप्रद सेयर निष्कासनपश्चात बैंकको चुक्ता पुँजी दुई अर्ब २० करोड ४२ लाख ४३ हजार पुग्नेछ ।
प्रतिक्रिया दिनुहोस !
