काठमाडौंः सीजी ब्रान्डले आउँदो गर्मी यामलाई मध्यनजर गर्दै घरायसी तथा कार्यालय प्रयोजनका लागि विभिन्न किसिमका एयर कुलर तथा फ्यान नेपाली बजारमा ल्याएको छ । कम्पनीले विभिन्न मोडल र आकर्षण डिजाइनका साथ नयाँ उत्पादन बजारमा ल्याएको हो।
कम्पनीले सीजी ब्रान्डको एयर कुलर र फ्यानका नयाँ मोडल बजारमा भित्र्याएको हो । कम्पनीले भित्र्याएका नयाँ मोडल आकर्षक, किफायती र गुणस्तरीय भएको कम्पनीको दाबी छ । यसअन्तर्गत चार वटा मोडलमा रहेका एयर कुलरलाई कम्पनीले डिजर्ट र पर्सनल गरी दुई भागमा विभाजन गरेको छ । यसमा आइस चेम्बर, पावरफूल मोटर र स्ट्रोङ फ्यानसहितका विशेषता छन् । ग्राहकको माग अनुसार विभिन्न क्षमतामा उपलब्ध रहेको कम्पनीले जनाएको छ ।
त्यस्तै नयाँ आएका फ्यान सिलिङ, स्ट्यान्ड, वाल, र टेबल गरी विभिन्न प्रकारमा छन् । १२ वटा मोडलमा उपलब्ध सिलिङ फ्यान विभिन्न साइजमा उपलब्ध छन् । त्यसमा डेकोरेटिभ र हाई स्पिड मोडल पनि रहेका छन् । त्यस्तै टेबल फ्यानअन्तर्गत रिमोट र ननरिमोट गरी दुवै मोडलमा रहेको कम्पनीले जनाएको छ ।
प्रतिक्रिया दिनुहोस !
