काठमाडौं: कलर्स मोबाइलले आफ्ना केही मोडलका स्मार्टफोनको मूल्य घटाएको छ । कलर्सले मोडल ई १५ र ई २० को मूल्यमा भारी छुट दिएको छ । पहिले १२ हजार चार सय ९५ रुपैयाँ पर्ने ई १५ को मोडललाई अहिले १० हजार चार सय ९५ मा उपलब्ध गराउने कम्पनीले जनाएको छ।
त्यसैगरी १३ हजार नौ सय ९५ पर्ने ई २० मोडलको कलर्स मोबाइललाई नयाँ मूल्य ११ हजार नौ सय ९५ रुपैयाँ कायम गरिएको छ । बजेट अनुकूलको उत्कृष्ट स्मार्टफोनको खोजीमा रहेका ग्राहकलाई यो एउटा उत्कृष्ट अवसर हुने कम्पनीले जनाएको छ । ई १५ मा ड्रागन ट्रेल सिसासहित पावर व्यांक र ५००० एमएएच क्षमताको व्याट्री रहेको छ । साथै ई २० मा ५.५ इन्चको एचडी आईपीएस स्क्रिन छ ।
१३ मेगापिक्सलको मुख्य क्यामरा रहेको स्मार्टफोनमा फ्रन्ट क्यामरा आठ मेगापिक्सलको छ । यो स्मार्टफोनले फोर जी नेटवर्क सपोर्ट गर्छ । कलर्स मोबाइलका प्रमुख कार्यकारी अधिकृत सञ्जय अग्रवालका अनुसार यी दुई स्मार्टफोनको बजार मूल्यमा दिइएको अत्यधिक छुटले निम्न आयस्रोत भएका मानिसलाई स्मार्टफोन प्रयोग गर्ने अवसर मिल्नेछ । उनीहरूले थोरै पैसामा उत्कृष्ट स्मार्टफोनको लाभ लिन सक्नेछन् ।
कलर्स मोबाइलका बजार प्रबन्धक राजजंग थापाले कलर्सका दुई स्मार्टफोनको मूल्यमा दिइएको छुटबारे जानकारी गराउन पाउँदा उत्साहित भएको बताए । सेवा प्रदायकले प्रविधिको स्तरोन्नति गर्दै फोर जी सेवा प्रदान गरिसकेको अवस्थामा मोबाइल प्रयोगकर्ताले पनि फोर जी नेटवर्क चलाउन पाउने उनले बताए । यसबाट ग्राहकले भरपुर फाइदा उठाउने कम्पनीको विश्वास छ ।
प्रतिक्रिया दिनुहोस !
