काठमाडौं: जावलाखेल ग्रुप अफ इन्डस्ट्रिजअन्तर्गतको हिमालयन डिस्टिलरी प्रालिले ‘रोयल ट्रेजर–मह यात्रा २०७३’ को आयोजना गर्ने भएको छ। कम्पनीको आयोजनामा मह जोडीले दर्शकलाई मनोरन्जन दिनेछन्।
देशभरका जम्मा १० सहरमा आयोजना हुने उक्त कार्यक्रमको नाम ‘रोयल ट्रेजर–मह यात्रा २०७३’ राखिएको छ। फागुन १३ देखि २५ गतेसम्म देशका प्रमुख सहरमा कार्यक्रम आयोजना हुने भएको छ। कलाकार समूहमा मदनकृष्ण श्रेष्ठ, हरिवंश आचार्य, नरेन्द्र कंशाकार, किरण केसी, शिवहरि पौडेल, मोहित श्रेष्ठ, योमन श्रेष्ठ, राजाराम पौडेल, माण्डवी त्रिपाठी र रुद्र अधिकारी रहेको आयोजकले जनाएको छ।
कार्यक्रम फागुन १३ गते पोखरामा, १४ गते भैरहवा, १६ गते धनगढी, १७ गतेमहेन्द्रनगर, १८ गते नेपालगञ्ज, १९ गते बुटवल, २० गते चितवन, २२ गते विराटनगर, २३ गते विर्तामोड र २४ गते धरानमा हुने भएको छ । रोयल ट्रेजरको प्रस्तुति रहेको यस मह यात्रा–२०७३ मा होटेल संघ नेपालको सहभागिता रहनेछ।
कार्यक्रमार्फत उठेको रकमले होटेल संघ नेपालको अतिथि सत्कार उद्योगको सुधार एवं उत्थान गरिनेछ ।
प्रतिक्रिया दिनुहोस !
