काठमाडौः टाटा हिटाचीको नेपालका लागि आधिकारिक वितरक सिप्रदी अर्थमुभर्स प्रालिले कन्ट्रयाक्टर भेटधाट तथा अन्तक्र्रिया कार्यक्रम सञ्चालन गरेको छ । होटेल हिमालयमा आयोजना भएको उक्त कार्यक्रममा टाटा हिटाचीका डिलर प्रतिनिधि, निर्माण क्षेत्रका व्यवसायी र टाटा हिटाची इन्डिया तथा सिप्रदी अर्थमुभर्सका कार्यकारीसमेत उपस्थित थिए । टाटा हिटाची भारतमा निर्माणसम्बन्धी उपकरण बनाउने कम्पनी हो ।
अहिलेको प्रतिस्पर्धी समयमा निर्माण क्षेत्रमा कार्यरत सबैको कार्य सम्पादनलाई बढाउन यसले सहयोग गर्दै आएको छ । कार्यक्रमको उद्घाटन गर्दै सिप्रदीका प्रमुख कार्यकारी अधिकृत राजनबाबु श्रेष्ठले नेपाली बजारमा हिटाचीका उत्पादन बिक्रीवितरण गरी बजार विस्तारमा सहयोग पुर्याएकोमा सम्पूर्ण डिलर प्रतिनिधि तथा निर्माणमा संलग्न व्यवसायीलाई धन्यवाद दिएका थिए ।
त्यस्तै टाटा हिटाची इन्डियाको निर्देशक शिन नाकाजीमाले सिप्रदी अर्थमुभर्ससँग आफ्नो व्यावसायिक मित्रता कायम राख्न पाएकोमा खुसी व्यक्त गरे । टाटा हिटाचीका एक्जाभेटर, क्रेनजस्ता उपकरणले नेपालको बजार हिस्सा ओगट्दै गएको कम्पनीले जनाएको छ ।
प्रतिक्रिया दिनुहोस !
