काठमाडौः हिमालयन बैंक लिमिटेडले इटहरीमा आफ्नो नयाँ भवन उद्घाटन गरेको छ । उक्त भवनको उद्घाटन सञ्चालक समितिका अध्यक्ष मनोजबहादुर श्रेष्ठले गरेका थिए । कार्यक्रममा इटहरी उद्योग वाणिज्य संघका अध्यक्ष लिलम बस्नेत, इटहरी इलाका प्रहरी कार्यालय प्रमुख नरेश सुवेदीलगायत स्थानीय व्यापारीको बाक्लो उपस्थिति थियो ।
उक्त अवसरमा समुद्घाटन मन्तव्य राख्दै बैंक सञ्चालक समितिका अध्यक्ष मनोजबहादुर श्रेष्ठले शाखा कार्यालय भवनको उद्घाटन गर्न पाउँदा खुसी लागेको बताए । उनले यसबाट सबैलाई सहयोग पुग्ने जानकारी दिए ।
अध्यक्ष श्रेष्ठले उक्त अवसरमा बैंकका विभिन्न गतिविधि पनि जानकारी गराएका थिए । समग्र आर्थिक विकासमा सहभागिता बढाउँदै बैंकले आफ्नो सेवासुविधालाई विस्तार गर्ने जनाएको छ । त्यस्तै उद्योग वाणिज्य संघका अध्यक्ष लिलम बस्नेतले बैंकको प्रगतिमा बधाइ दिएका थिए ।
प्रतिक्रिया दिनुहोस !
