काठमाडौं: सरकार र प्रतिपक्षी दल संसदमा प्रस्तुत संविधान संशोधन विधेयकलाई छलफलको प्रक्रियामा लैजान सहमत भएका छन् ।
बिहीबार बिहान सभामुख ओनसरी घर्तीको कार्यकक्षमा प्रधानमन्त्री पुष्पकमल दाहाल ‘प्रचण्ड’ र प्रमुख प्रतिपक्षी दल नेकपा एमालेका अध्यक्ष केपी शर्मा ओलीसहितको बैठकमा विधेयकलार्इ छलफलको प्रक्रियामा लैजाने सहमति भएको सभामुख घर्तीले बताइन्।
बिहीबारबाटै संसद्को बैठक सञ्चालन हुने र संविधान संशोधनलगायत कार्यसूचीमा रहेका विषय प्रक्रियागत रुपमा अघि बढाउन प्रतिपक्षले सहयोग गर्ने सहमति भएको सभामुख घर्तीले जानकारी दिइन्।
'सहमतिभन्दा अर्को विकल्प छैन। आगामी दिनमा पनि सहमतिबाटै अघि बढ्नुपर्ने आवश्यकता छ । आज भएको सहमतिप्रति म खुसी व्यक्त गर्दछु,' सभामुख घर्तीले भनिन्। रासस
प्रतिक्रिया दिनुहोस !
