काठमाडौं: नेपाल टेलिकमले शिवरात्रिको अवसरमा ‘फेस्टिभल अफर’ योजना ल्याएको छ । उक्त योजनामा उपभोक्ताले डाटा बन्डल प्याकेजअन्तर्गत ७६ रुपैयाँमा १०० एमबी डाटा र बोनसका रूपमा १०० एमबी नै युट्युब डाटा प्याक पाउनेछन् ।यो प्याक १५ दिनसम्म प्रयोग गर्न सकिने कम्पनीले जनाएको छ ।
यस्तैगरी एक सय ५० रुपैयाँमा दुई सय एमबी डाटा खरिद गर्दा उपभोक्ताले बोनसका रूपमा दुई सय एमबी नै युट्युब डाटा प्याक प्राप्त गर्नेछन् । यो प्याक ३० दिनसम्म प्रयोग गर्न सकिने टेलिकमले जनाएको छ । यो सेवा प्रयोग गर्नेले १०० एमबी बोनसका लागि यू१०० र २०० एमबीका लागि यू२०० टाइप गरी १४१५ एसएमएस गर्नुपर्नेछ ।
साथै टेलिकमले फेसबुक प्याकेजअन्तर्गत २२ रुपैयाँ ६० पैसामा पाँच दिनका लागि १०० एमबी फेसबुक प्याकेज पनि उपलब्ध गराएको छ । यो सेवा प्राप्त गर्न फेसबुक टाइप गरी १४१५मा एसएमएस गर्नुपर्ने टेलिकमले जनाएको छ । यो फेस्टिभल अफर शुक्रबारबाट सुरु भएर फागुन २७ गतेसम्म लागू हुनेछ । टेलिकमले माथि उल्लेख गरेको शुल्क करसहित रहेको जनाएको छ । यो प्याकेज फोर जी सेवाग्राहीका लागि बढी उपयोगी हुने टेलिकमको विश्वास छ ।
प्रतिक्रिया दिनुहोस !
