काठमाडौं: सनराइज बैंक लिमिटेडको अगुवाइ तथा राष्ट्रिय वाणिज्य बैंक लिमिटेडको सहवित्तीयकरणमा अन्नपूर्ण केबलकार परियोजना अघि बढ्ने भएको छ ।
सहवित्तीयकरणमा लगानी गरी कास्कीको सराङकोट गाविसमा निर्माण हुन लागेको २.३ किलोमिटर लामो केबलकार परियोजनाको वित्तीय व्यवस्थापन सम्पन्न भएको छ । दुई वर्षमा सम्पन्न गर्ने लक्ष्य लिइएको उक्त परियोजना प्रतिष्ठित व्यवसायी कालु गुरुङ तथा जापानी मुलका नेपाली नागरिक टाकासी मियाहाराको प्रवद्र्धनमा अन्नपूर्ण केबलकार प्रालिले निर्माण गर्न लागेको हो ।
८९ करोड ६० लाख रुपैयाँ लागत अनुमान गरिएको उक्त परियोजनामा बैंकहरूले ६६ करोड लगानी गर्नेछन् । आयोजना सम्पन्न भएपछि पर्यटकीय नगरी पोखराको पर्यटन प्रवद्र्धनमा थप टेवा पुग्नेछ ।
प्रतिक्रिया दिनुहोस !
