काठमाडौं: बजाजले नेपाली बजारमा आफ्नो नयाँ उत्पादन पल्सर एनएस १६० सार्वजनिक गरेको छ । पल्सर मोटरसाइकलको नेपालका लागि अधिकृत बिक्रेता एचएच बजाजले नयाँ एनएस १६० नेपालमा भिœयाएको हो । नेपालमा लोकप्रिय बजाज पल्सरको नयाँ उत्पादनले छोटो सयममै नेपालीको विश्वास जित्ने कम्पनीले जनाएको छ ।
पल्सर एनएस १६० मा अल न्यु डीटीएसआई १६०.३ सीसीको आयल कुल्ड सिंगल सिलिन्डर इन्जिन छ । यो मोटरले १५.५ पिए एट दि रेट ८,५०० आरपीएमको शक्ति तथा ६,५०० आरपीएममा १४.६ एनएमको अधिकतम टर्क उत्पन्न गर्नेछ । प्यासन रेड, पर्ल मेटालिक ह्वाइट, स्याफिर ब्लु र मिक्स्ड स्टेन ब्ल्याक गरी चार कलरमा उपलब्ध पल्सर एनएस १६० बजाजका नेपालभर रहेका सो–रुममा उपलब्ध छ ।
कम्पनीका अनुसार यसको सुरु मूल्य दुई लाख ५९ हजार नौ सय तोकिएको छ । हंसराज हुलासचन्द कम्पनी प्रालिका कार्यकारी निर्देशक शेखर गोल्छाले कार्यक्रममा बोल्दै बजाजका मोटरसाइकल उच्चतहको उत्पादन डिजाइन तथा विशिष्ट इन्जिन क्षमतामा रहेको बताए । ‘यो पल्सरको नयाँ सदस्य हो, हामी यस क्षेत्रमा नयाँ कन्सेप्टका साथ आएका छौं’, उनले भने, ‘पल्सर एनएस १६०ले चालकको अपेक्षालाई पूरा गर्दै पावर टु प्ले भन्ने मूल मन्त्रलाई अंगिकार गरेको छ ।’
प्रतिक्रिया दिनुहोस !
