गर्भवती हुुँदा बियोन्सको खुुसी

विश्वविख्यात पपस्टार बियोन्स अहिले गर्भवती छिन् । आफ्नो करिअरको विभिन्न कालखण्डमा प्रेग्नेन्सीसम्बन्धी फैलिएका अनेकन अफवाहको सामना गर्दै आएकी उनले पाँच वर्षपहिले छोरी जन्म दिएपछि केही समय यस्ता गसिप बन्द भएका थिए । पछिल्लो समय उनका बारेमा यस्ता अफवाह गाइँगुुइँ चलिरहेको थियो । तर, यसपटक उनी साँच्चिकै गर्भवती भएकाले संसारभर उनका फ्यानबीच एक प्रकारको तरंग ल्याइदिएको छ ।

३५ वर्षीया वियोन्स र उनका प्रेमी ४७ वर्षीय जे जेडलाई संसारभरका लाखौंका फ्यान, साथीभाइ, आफन्त एवं परिवारले शुुभकामना दिइरहेका छन् । वियोन्सले आफ्नो निकै बढेको पेट देखाएर गरेको फोटोसुुट आफैंले सामाजिक सञ्जालमा सेयर गरेकी छन् । यसले उनको गर्भका बारेमा चलिरहेको चियोचर्चा र हल्लालाई चुुप बनाएकी छन् । उनको प्रेग्नेन्सीको खबरले अर्की गायिका रिहाना पनि निकै उत्साहित बनेकी छन् । रिहानाले उनका प्रेग्नेन्सी फोटोसुुटको प्रशंसा पनि गरेकी छन् ।

आफ्नोबारेमा अनेकन अफवाह चल्ने गरेकाले त्यसलाई चिर्न बियोन्से ठूलो पेट लिएर ग्रामी अवार्डमा उपस्थित भएकी थिइन् । समारोहमा प्रेग्नेन्सी बियोन्स आकर्षणको केन्द्र बनेकी थिइन् । ग्रामी अवार्डमा सहभागी हुुँदा माझीऔंला देखाउँदै फोटोसुुट गराएकी थिइन् । फोटोमा पेट देखिने गाउन लगाएकी छन् । आफूलाई खिल्ली उडाउने, खिसी गर्ने र अफवाह फैलाउनेलाई माझीऔंला देखाएको उनले बताएकी छन् ।

इन्स्टाग्राममार्फत आफू र पति जे जेड जुुम्ल्याहा बच्चाको अभिभावक बन्न लागेको खुुलासा गरेकी थिइन् । पाँचवर्षे छोरी ब्लुु इभलाई जन्म दिएपछि उनी दोस्रोपटक आमा बन्न लागेकी हुुन् । सन् २००८ मा विवाह गरेका उनीहरुले पहिलो सन्तानलाई जन्म दिएपछि डिभोर्स भएको, वियोन्सले दोस्रो विवाह गरेको लगायतका विभिन्न अफवाहबाट आफूहरु हैरान भएको उनले बताएकी छिन् ।

आमा बन्दाको अनुुभूति सम्झँदा आफू हर्षविभोर हुुने गरेको उनले बताएकी छन् । जुुम्ल्याहा बच्चाका कारण आफू अझ उत्साहित भएको र उनीहरूले परिवारमा झन् बढी खुुसी ल्याउने उनले अपेक्षा गरेकी छन् । यो खुुसी आफ्ना फ्यानहरूसँग बाँड्न चाहेको पनि उनले बताएकी छन् । बियोन्सको प्रेग्नेन्सीका कारण अहिले अमेरिकामा रिप्रडक्टिभ हेल्थका बारेमा पनि कुुरा उठेको बताइएको छ ।

उनले अभिभावकले योजनाअनुुसार बच्चा जन्माउन पाउने विषयमा खुुलेर वकालत गर्दै आएकी छन् । यस्तो विषय उठाइनुुपर्ने भन्दै उनले राष्ट्रपति डोनाल्ड ट्रम्प प्रशासनले सहयोग गर्नुुपर्ने पनि माग गरेकी हुुन् ।