काठमाडौं: सेन्ट जेभियर्स कलेज माइतीघरले 'उडान तेस्रो एसएक्ससी मेला २०१७' आयोजना गर्ने भएको छ । मेला सेन्ट जेभियर्स कलेज उडान क्लबको संयोजकत्वमा शनिबार आयोजना हुन लागेको हो ।
मेलामा गेम स्टल, फुड स्टल, डीजे सेसनलगायत हरेक घन्टा डोर प्राइजेज र बम्पर उपहारको व्यवस्था गरिएको छ । मेलाको अर्को आकर्षण आर्ट फेस्टिवल हो ।
अल्मोडा राना उप्रेती र सबिन राई एन्ड द फारोहको प्रस्तुति पनि कार्यक्रमको आकर्षण हो । मेलाबाट संकलन भएको रकमको केही प्रतिशत निम्नवर्गीय बालबालिकाको शैक्षिक क्षेत्रमा लगानी गर्ने जानकारी मेलाका संयोजक सुधाकर पन्तले दिए ।
प्रतिक्रिया दिनुहोस !
