एजेन्सीः भारत र अष्ट्रेलिया बीचको पहिलो टेस्ट क्रिकेटमा भारत पराकिलो अन्तरले पराजित भएको छ । पुणेको महाराष्ट्र रङ्गशालामा भएको टेस्टमा भारतले तेस्रो दिन नै चिर प्रतिद्वन्दी अष्ट्रेलियासँग ३३३ रनको हार व्यहोरेको छ ।
शुक्रबार पहिलो पारीमा १०५ रनमा समेटिएको भारतीय टोलीले दोस्रो पारीमा पनि १०७ रन मै सबै विकेट गुमायो । पहिलो पारीमा २६० रन बनाएको अष्ट्रेलियाले दोस्रो पारीमा २८५ रन बनायो । १४३ रन र चार विकेटको अवस्थाबाट तेस्रो दिनको खेल सुरु गरेको अस्ट्रेलिया २८५ रनमा समेटियो हो । जितका लागि ४४१ रनको लक्ष पछ्याउँदै दोस्रो पारी शुरु गरेको भारतीय टोली पुःन अस्ट्रेलियाका बलरको शिकार भए ।
अष्ट्रेलियायाको जीतका लागि अष्ट्रेलियाली बलर 'ओ किफ' नायक सावित भए । पहिलो पारीमा ६ विकेट चड्काएका ‘ओ किफ’ ले दोस्रो पारीमा पनि ६ विकेट नै लिन सफल भए । दोस्रो पारीमा भारतीय टोलीका लागि चेतेश्वर पुजाराले सर्वाधिक ३१ रन बनाए भने अजिन्का रहानेले १८ रन बनाए कप्तान विराट कोहली १३ रन बनाएर पेभेलियन फर्किए । पछिल्ला १९ टेस्ट म्याच पछि भारतको यो पहिलो हार हो ।
प्रतिक्रिया दिनुहोस !
