काठमाडौः किंग्स कलेजले श्रृजना, प्रतिस्पर्धा र मनोरन्जनलाई समाहित गर्दै ‘हाम्रो उत्सव’ कार्यक्रमको आयोजना गर्न लागेको छ । कार्यक्रम यही मंगलबारदेखि काठमाडौंको कमलादीस्थित एकेडेमी हलमा हुनेछ । किंग्स उत्सवको सफलतापछि कलेजले यस कार्यक्रमलाई वार्षिक फ्ल्यागसिप कार्यक्रममको रुपमा सञ्चालन गर्न लागेको हो ।
हाम्रो उत्सव कार्यक्रम स्नातकोत्तर तथा स्नातक तहका विद्यार्थीका लागि सबैभन्दा बृहत हुने कलेजको अपेक्षा छ । सात दिने वार्षिक कार्यक्रमले विद्यार्थीलाई ज्ञान, सिप, अनुभव र प्रतिभाको प्रस्फुटन गराउन मञ्च प्रदान गर्नेछ ।
विभिन्न क्रियाकलाप तथा प्रतिस्पर्धाको सँगालोका रूपमा रहेको यस उत्सवले विद्यार्थीको उद्यमशीलता, लुकेर बसेको प्रतिभालाई प्रष्फुटन गर्न मद्दत गर्नेछ । गत वर्षदेखि सुरु भएको यस उत्सवलाई बृहत्तर प्रतिस्पर्धाका रूपमा नेपालभरी पुर्याउने कलेजका कार्यकारी निर्देशक एवं प्रिन्सिपल नरोत्तम अर्यालले बताए । उनले विभिन्न विद्यार्थी र सरोकारवालासँगको सहकार्यमा कार्यक्रमलाई पृथक रुपमा प्रस्तुत गर्ने बताए ।
प्रतिक्रिया दिनुहोस !
