२५ वर्षपछि गाउँ पुगे डेनिस राजकुमार
स्याङ्जाः डेनमार्कका राजकुमार योकिम होल्गर वालदिमाम क्रिस्चियनले उपल्लो आँधीखोला जलाधार क्षेत्रअन्तर्गत मंगलबार बाङसिङ गाविसस्थित खानेपानी, पहिलो, वनजंगललगायतको अनुगमन एवं निरीक्षण गरेका छन् । करिब २५ वर्षअघि २४ बर्से उमेरमा जुग्लेको बाटो हँदै करिब दुई घन्टाको पैदल यात्राबाट बाङसिङ पुगेका डेनिस राजकुमार मंगलबार भने केयर नेपालको गाडीबाट त्यहाँ पुगे ।
अहिले गाउँमा आएको परिवर्तनले उनी खुसी देखिए । पहिला गाउँ आउँदाको क्षण स्मरण गर्दै राजकुमार क्रिस्चियनले त्यतिबेला गाउँलेको अवस्था त्यति राम्रो नभएको, डाँडापाखा, पखेरा, सुक्खा, जीविकोपार्जन कष्टकर, खानेपानीको अभाव रहेको र केयरमार्फत कार्यक्रम सञ्चालनका लागि सहयोग गरेको बताए ।
‘केयरले बीउ मात्र दिएको हो । धेरै परिवर्तन तपाईंहरूले गर्नुभएको होत्व, उनले भने, ‘आशा गर्छु अब २५ वर्षपछि म पुनः यहाँ आउनेछु । त्यतिबेला ह्विलचियरमा पनि म सहजै यहाँ आउन सक्नेछु ।
राजकुमार आउने थाहा पाएपछि स्थानीयवासी लालीगुराँस, सुनाखरीका माला र फूल हातहातमा लिएर स्वागतमा बसेका थिए ।
राजकुमारलगायतको टोलीले अवलोकन गरेपछि डेनमार्क सरकारले केयरमार्फत भूसंरक्षण कार्यालय र स्थानीय संस्थासँगको सहकार्यमा गाउँमा वृक्षरोपण, खानेपानीको व्यवस्था, मूल संरक्षण, महिला र क्षमता अभिवृद्धि र आयआर्जनसम्बन्धी कार्यक्रम सञ्चालन गरेको थियो । २०४९ सालमा सुरुमा बाङसिङ, बागे, आरुखर्क, भाटखोला, बिचारी चौतारा गाविस समेटी कार्यक्रम सञ्चालन गरिएको थियो ।
दोस्रो चरणसम्म करिब १० वर्षमा आँधीखोला जलाधार क्षेत्रअन्तर्गतका १४ वटा गाविसमा सोही कार्यक्रम विस्तार गरी केयर नेपालमार्फत ती गाउँमा परिवर्तन ल्याइएको आपसी सहयोग केन्द्रका अध्यक्ष रुकुमदत्त पौडेलले जानकारी दिए ।
‘खानेपानीको दुःख भएका कारण पहिला गाउँ छाडेर गएकाहरू केयरको कार्यक्रम सञ्चालनपछि वृक्षरोपण, आयआर्जनको सीप पाएपछि अहिले बाहिर जाने पनि गाउँमै फर्कन थालेका छन्त्व, उनले भने ।
डेनिस राजकुमार आउने थाहा पाएपछि स्थानीयवासी लालीगुराँस, सुनाखरीका माला र फूल हातहातमा लिएर उनको स्वागतमा बसेका थिए । उनीहरूले पन्चेबाजाले समेत राजकुमारको स्वागत गरे ।
प्रतिक्रिया दिनुहोस !
