ट्रयाक्टरको ठक्करले बालकको ज्यान गयो
महोत्तरीः महोत्तरीको गौशाला नगरपालिका-३ मा ट्रयाक्टरको बे्रक फेल हुँदा एक बालकको ज्यान गएको छ ।
सडकमा गुडिरहेको लु.१ त.९९३५ नम्बरको ट्रयाक्टरको ब्रेक फेल भएर ठोक्किन पुग्दा स्थानीय ११ बर्षीय बालक राकेश महतोको किचिएर ज्यान गएको इलाका प्रहरी कार्यालय गौशालाका प्रहरी निरीक्षक शम्भू पोखरेलले बताए ।
बुधबार साँझ आफ्नै घरमा खेलिरहेका राकेशलाई ब्रेक फेल भएको ट्रयाक्टरले ठक्कर दिदाँ उनको घटना स्थलमा मृत्यु भएको हो । मृतक बालकको शव पोष्टमार्टमका लागि जिल्ला अस्पताल जलेश्वर पठाइएको छ । घटना पछि ट्रयाक्टर चालक र धनी दुवै फरार छन् ।
प्रतिक्रिया दिनुहोस !
