डायनाको प्रिय गाउन

बेलायतको किङस्टोन प्यालेसले स्व. राजकुमारी डायनाका उत्कृष्ट पहिरन र सामग्रीहरू प्रदर्शनमा राखिएका छन् । स्टाइलिस डायनाको फेसन यात्राको बारेमा संसारलाई थप जानकारी दिन प्रदर्शनी आयोजना गरिएको बताइएको छ । डायनाको रेखदेख र सेवामा काम गरेकी एक महिला इलेरी लायनले डायनाको फेसन सोखको स्मरण गर्दै आफ्नो काममा पनि उनी उत्तिकै केन्द्रित हुने गरेको बताएकी छन् । ‘आफूलाई फरक देखाउन मन पराउँथिन्', इलेरीले भनेकी छन्, ‘राजपरिवारको मान्यतालाई बेवास्ता गर्दै पञ्जा र ह्याट नलगाई हिँड्ने गर्थिन् ।'

पञ्जा र टोपी नलगाई हिँड्ने उनी नांगोहातले मान्छेसँग हात मिलाउन, मान्छेसँग प्रत्यक्ष भेटेर गफ गर्न रुचाउँथिन् । विश्वविख्यात ‘पीपल' म्याग्जिनले जनाएअनुसार बालबालिकालाई भेट्दा उनीहरूलाई अंकमाल गर्न गाह्रो हुने भएकाले डायनाले ह्याट लगाउन छाडेकी हुन् । सर्वसाधारणसँग सधैं आत्मीयता व्यावहार गर्न चाहने डायनाको बानीले उनको बानी र व्यवहार मन पराउनेका संख्या करोडौं थियो ।

राजकुमारी डायनाले जीवनकालमा प्रयोग गरेका डायनाका उत्कृष्ट पहिरन र सामग्रीहरू प्रदर्शनमा राखिएका छन् । डायनालाई सबैभन्दा मनपर्ने नीलो मलमलको गाउन उनले धेरै कार्यक्रममा लगाएकी थिइन् । उक्त गाउन पनि प्रदर्शनीमा राखिएको छ ।

राजकुमारी डायनाले जीवनकालमा प्रयोग गरेका उत्कृष्ट एवं फेसनेबल पहिरन उनका अनुयायीहरूले प्रदर्शनीमा अहिले नियाल्न पाएका छन् । डायनालाई सबैभन्दा मनपर्ने नीलो मलमलको गाउन उनले धेरै कार्यक्रममा लगाएकी थिइन् । उक्त गाउन पनि प्रदर्शनीमा राखिएको छ । सन् १९८५ मा अमेरिकी राष्ट्रपतिको कार्यालय ह्वाइट हाउस जाँदा उनले लगाएकी थिइन् । सो गाउनमा उनी जोन ट्राभोल्टसँग नाचेकी थिइन् ।

प्रदर्शनीमा डायना आफैंले सिर्जना गरेका विभिन्न स्टाइल र पहिरन पनि राखिएका छन् । डायना प्रायः डिजाइनरसँग नजिक रहेर, उसको सिर्जना बुझेर काम गर्न चाहन्थिन् । आफूले लगाएका पहिरनहरू कस्तो छ भनेर डिजाइनरसँग सोध्ने गर्थिन् । डायना कुनै पनि ठाउँअनुसार पहिरन लगाउनु पर्छ र त्यसरी नै प्रस्तुत हुनुपर्छ भन्ने मान्यता राख्थिन् । इलेरीका अनुसार प्रदर्शनीमा राजदरबारले पनि पुराना एतिहासिक सामानहरूसमेत समावेश गर्न चाहेको छ ।