मेसी इतिहासकै उत्कृष्ट खेलाडी: स्वारेज
बार्सिलोनाका स्ट्राइकर लुइस स्वारेजले लियोनल मेसी इतिहासकै सबैभन्दा उत्कृष्ट खेलाडी भएको बताएका छन्।
स्वारेजले भनेका छन्,‘मेसी इतिहासकै उत्कृष्ट खेलाडी हुन्। उनीसँग अदभूत क्षमता छ।’ स्वारेजले मेसी विश्वकै उत्कृष्ट खेलाडी भएकोमा कुनै शंका नरहेको समेत बताए। स्पेनिस रेडियोसँगको कुराकानीका क्रममा स्वारेजले भने,‘मेसी इतिहासकै उत्कृष्ट खेलाडी हुन्।’
आफू लिभरपुल छोडेर बार्सिलोनासँग आबद्ध हुँदा मेसीले स्वागत गरेको स्मरण गर्दै स्वारेजले भनेका छन्,‘जब म बार्सिलोना आएँ तब मलाई मेसीले राम्रोसँग क्लबमा स्वागत गरेका थिए।’
स्वारेज सन् २०१४ मा लिभरपुलबाट बार्सिलोनासँग आबद्ध भएका हुन्। बार्सिलोनामा आबद्ध भएसँगै स्वारेज मेसी र नेमारसँगै प्राय खेलमा मैदान उत्रिदै आएका छन्।
प्रतिक्रिया दिनुहोस !
