स्वयम्भूमा गोली चल्यो : एक घाइते
काठमाडौं : केहीबेर अघि राजाधानीको स्वयम्भूमा गोली चलेको छ । अपहरणकारी छुटाउन फिरौती बुझाउन प्रहरीसहित पुगेका आफन्तलाई देखेपछि गोली चल्दा एक अपहरणकारी घाइते भएका छन्।
फागुन १९ गते बौद्धबाट अपहरण परेका मनदोर्जे तामाङ, विशाल तामाङ र नाङदुङ तामाङलाई छुटाउन अपहरणकारीले साढे ६ लाख रुपैयाँ फिरौती मागेका थिए ।
चार जना अपहरण परेको थाहा पाएपछि महानगरीय प्रहरी अपराध महाशाखाले अपरेसन सुरु गरेको थियो । साढे ६ लाख फिरौती तयार गरेर पीडितका आफन्तले पैसा दिन पटकपटक बोलाए पनि अपहरणकारी सम्पर्कमा आएका थिएनन् ।
शनिबार भने अपहरणकारीले पैसा लिएर स्वयम्भूमा बोलाएका थिए । प्रहरीसहित फिरौती रकम लिएर पुगेका आफन्तलाई देखेपछि गोली चलेको हो । अपहरणकारी दुर्गाबहादुर तामाङलाई गोली लागेको छ । प्रहरीले दुर्गाको साथबाट एउटा पेस्तोल र केही गोली बरामद गरेको छ।
प्रहरीले दुर्गासहित सचिन खवास र वीरबहादुर तामाङलाई पक्राउ गरेर अनुसन्धान सुरु गरेको छ । दुर्गाको खुट्टामा गोली लागेको महानगरीय अपराध महाशाखाका प्रमुख एसएसपी दिनेश अमात्यले अन्नपूर्ण अनलाइनलाई जानकारी दिए।
प्रहरीले अपहरणकारीबाट अपहरित युवालाई मुक्त गर्ने क्रममा प्रहरीलाई टार्गेट गरेपछि जावफी फायरिङ गरेको बताएको छ।
प्रतिक्रिया दिनुहोस !
