काठमाडाैंः एनआईसी एसिया बैंक लिमिटेडले नेपाल रेडक्रस सोसाइटीसँगको सहकार्यमा फागुन २१ गते काठमाडौंको थापाथलीस्थित आफ्नै भवनमा रक्तदान कार्यक्रम सञ्चालन गरेको छ ।
थापाथलीस्थित ट्रेड टावरमा गरिएको कार्यक्रममा दुई सयभन्दा बढी दाताले रक्तदान गरेका थिए । एनआईसी एसीयाले नेपालभरिका एक सय जति ठाउँमा ब्लड डोनेसन अभियान सञ्चालन गर्ने गरी नेपाल रेडक्रससँग सम्झौता गरेको छ ।
उक्त सम्झौताअनुसार रेडक्रस सोसाइटीले प्राविधिक सहयोग गर्नेछ भने एनआईसी एसियाले ब्लड डोनेसन गर्दा लाग्ने खर्चको व्यवस्थापन गर्नेछ । ब्लड डोनेसन सम्बन्धमा भएको यो नेपालको अहिलेसम्मकै ठूलो अभियान भएको कम्पनीले जनाएको छ । रेडक्रस सोसाइटी नेपाल र एनआईसी एसियाले नेपालका अन्य ठाउँमा पनि रक्तदान कार्यक्रम सञ्चालन गर्ने योजना बनाएका छन् ।
प्रतिक्रिया दिनुहोस !
