काठमाडौंः एनआईसी एसिया बैंकको सहायक कम्पनीका रुपमा एनआईसी एसिया क्यापिटल लिमिटेडको औपचारिक सुरुवात गरिएको छ । कम्पनीको नेपाल धितोपत्र बोर्डका अध्यक्ष डा. रेवतबहादुर कार्की र एनआईसी एसिया बैंकका अध्यक्ष जगदीशप्रसाद अग्रवालले संयुक्त रूपमा उद्घाटन गरे ।
एनआईसी एसिया बैंकको पूर्ण स्वामित्वमा १० करोड चुक्ता पुँजी रहेको एनआईसी एसिया क्यापिटल लिमिटेड नेपाल धितोपत्र बोर्डबाट मर्चेन्ट बैंकिङसम्बन्धी काम गर्न इजाजत पाएको संस्था हो ।
यो कम्पनीले बबहरमहलस्थित कार्यालयबाट पुँजी बजारसँग सम्बन्धित धितोपत्र निष्कासन तथा बिक्री प्रबन्धक, धितोपत्र प्रत्याभूति, सेयर रजिष्ट्रार तथा लगानी व्यवस्थापन, म्युचुअल फन्ड व्यवस्थापनलगायत काम गर्नेछ । कम्पनीले प्रचलित ऐन एवं नियमनकारी व्यवस्थाबमोजिम मर्चेन्ट बैंकिङ कम्पनीले गर्न सक्ने सम्पूर्ण सेवा प्रदान गर्ने जनाएको छ ।
कम्पनीको उद्घाटन कार्यक्रममा धितोपत्र बोर्ड, नेपाल स्टक एक्सचेन्ज लिमिटेड, सीडीएस एन्ड क्लियरिङ लिमिटेड र एनआईसी एसिया बैंकका पदाधिकारी लगायतको बाक्लो उपस्थिती थियो ।
प्रतिक्रिया दिनुहोस !
