काठमाडौं: साेमबार विहानदेखिको लामो रस्साकसीपछि अन्ततः आर.आर. क्याम्पसको स्ववियु निर्वाचन स्थगित भएको छ। क्याम्पसको स्ववियु निर्वाचन समितिका प्रमुख हरिप्रसाद पराजुलीले विज्ञप्ति जारी गर्दै प्रहरीले प्राध्यापक र कर्मचारीलाई क्याम्पस प्रवेशमा रोक लगाएका कारण निर्वाचन गर्न नसकिएको बताएका छन् ।
विहानै देखि मतदान सुरु गर्ने भनिए पनि विवादका कारण मतदान सुरु हुन सकेको थिएन । क्याम्पस प्रशासन र एमालेनिकट अनेरास्ववियु निर्वाचन गराई छाड्ने भन्दै लागि परेका थिए भने आफूहरुको सहमतिबिना एक पक्षीय रुपमा निर्वाचन गराउन खोजेको भन्दै क्रान्तिकारी, नेविसंघ लगायतका विद्यार्थी संगठनले विरोध गरेका थिए ।
विहानैदेखि मतदान सुरु गर्ने भनिए पनि विवादका कारण मतदान सुरु हुन सकेको थिएन । निर्वाचन आयोगले फागुन १८ गते देखि निर्वाचन आचारसंहिता लागु भइसकेको भन्दै स्थानीय निकायको निर्वाचन नभएसम्म निर्वाचन हुन नसकेका क्याम्पसमा स्ववियु निर्वाचन रोक्न पत्राचार गरेको थियो ।
। स्ववियु निर्वाचनको प्रक्रिया सुरु भइसकेकाले त्यसलाई आचारसंहिताले प्रभावित नगर्ने भन्दै आर.आरमा सोमबार निर्वाचन गर्ने तयारी गरिएको थियो ।
सोमबार दिउँसो पनि आचारसंहिता १८ गते देखि नै लागु भएकाले निर्वाचन नगर्नु भन्ने आशयको पत्र निर्वाचन आयोगले त्रिविलाई पठाएको छ ।
अनेरास्ववियुका नेता माधव पन्तले निर्बाचन सम गर्न खटिएका प्रहरीनै प्रचण्ड र निधिको निर्देशनमा चुनाव रोक्न खोज्नु दुःखद भएको बताए । ‘यस्तो प्रवृतिले लोकतन्त्रको धज्जि उडाइरहेको छ, चुनाव बिथोल्नु कुनै तुक थिएन ।’ उनले भने । आरआर क्याम्पसमा बिहान क्याम्पस प्रमुख नै क्याम्पस छिर्न सकेका थिएनन्।
प्रतिक्रिया दिनुहोस !
