काठमाडौं: काष्ठमण्डप डेभलपमेन्ट बैंक लिमिटेडको साधारणसभा शुक्रबार सम्पन्न भएको छ । बैंक सञ्चालक समिति अध्यक्ष जगन्नाथ ज्ञवालीको अध्यक्षतामा बसेको नवौंं वार्षिक साधारणसभाले सेयरधनीलाई २३.३७ प्रतिशतका दरले बोनस सेयर वितरण गर्ने प्रस्ताव पारित गरेको छ ।
बैंकले कुमारी बैंक लिमिटेडलाई प्राप्ति गर्ने प्रयोजनका लागि काष्ठमण्डप डेभलपमेन्ट बैंक लिमिटेडको एक कित्ता सेयर बराबर कुमारी बैंकको ०.८५ कित्ता अर्थात १००ः८५ को सेयर आदानप्रदान अनुपात पारित गरेको छ ।
कुमारी बैंक तथा काष्ठमण्डप डेभलपमेन्ट बैंकलगायत पश्चिमाञ्चल फाइनान्स कम्पनी, महाकाली विकास बैंक र काँक्रेविहार विकास बैंकलाई प्राप्ति गर्न भएको समझदारीपत्र र प्राप्ति समितिको संयुक्त निर्णयका आधारमा भएको अन्तिम सहमति/सम्झौतापत्र तथा अन्य सम्झौताको अनुमोदन तथा स्वीकृति प्रदान गर्ने प्रस्ताव पारित भएको बैंकले जनाएको छ ।
प्रतिक्रिया दिनुहोस !
