काठमाडौंः एसियन बिस्कुट एन्ड कन्फेक्सनरी प्रालिद्वारा स्थापित नेपालको पहिलो चक्लेट फ्याक्ट्री गुडलाइफले ‘डबल ब्रेक' नामक नयाँ टफी बजारमा ल्याएको छ ।
गुणस्तरीय र परिष्कृत मेसिनको प्रयोग गरी उत्पादन गरिएको डबल ब्रेक टफी, चकलेट र मिल्क फ्लेभरमा उपलब्ध छ । दुई रुपैयाँ पर्ने डबल ब्रेक टफीलाई नेपालभर सजिलै खरिद गर्न सकिने कम्पनीले जनाएको छ ।
उक्त चकलेट केही समयमै नेपालको सर्वाधिक बिक्री हुने सूचीमा पर्ने कम्पनीको विश्वास छ । सन् २०१२ मा सुनसरीको दुहबीमा स्थापना भएको एसियन बिस्कुट एन्ड कन्फेक्सनरी प्रालि नेपालकै सबैभन्दा ठूलो बिस्कुट र कन्फेक्सनरी कम्पनी हो ।
नेपाली उपभोक्तामाझ रुचाइएको गुडलाइफले ४० भन्दा बढी भेराइटीका बिस्कुटका साथै विभिन्न २० भेराइटीका चकलेट उत्पादन गर्दै आएको छ । आफूसँग भएको पूर्वाधार र प्रविधिको प्रयोग गरी अन्य ब्रान्डको तुलनामा सुपथ मूल्यमा उच्च गुणस्तरको टफी उपलब्ध गराएको कम्पनीले जनाएको छ ।
प्रतिक्रिया दिनुहोस !
