भक्तपुरमा मोटरसाइकल दुर्घटना, चालकको मृत्यु
भक्तपुरः भक्तपुरको बालकुमारीमा मोटरसाइकल दुर्घटना हुँदा एक जनाको ज्यान गएको छ। काठमाडौंबाट मध्यपुर ठिमीस्थिति राधे राधेतर्फ आउँदै गरेको बा ७३ प ५३३७ नम्बर मोटरसाइकलले पैदलयात्रीलाई ठक्कर दिएको थियो।
ठक्करबाट पैदलयात्री र चालक दुवै घाइते भएकामध्ये चालक सर्लाही घर भईँ हाल अनन्तलिंगेश्वर नगरपालिका–१२ दधिकोट बस्ने २५ वर्षीय साजन भुजेलको मृत्यु भएको हो। घाइते पैदलयात्री मध्यपुर ठिमी नगरपालिका–३ निकोसेरा बस्ने ४५ वर्षीया लुच्छेमाया धौबन्जाररको भने मध्यपुर अस्पतालमा उपचार भइरहेको छ।
घटनालगत्तै उपचारका लागि चालक भुजेललाई पनि मध्यपुर अस्पताल पु¥याइएको महानगरीय प्रहरी वृत्त ठिमीले जनाएको छ । वृत्तका प्रमुख प्रहरी नायब उपरीक्षक श्यामबाबु ओलियाले मध्यपुरमा उपचार सम्भव नभएपछि भुजेललाई काठमाडौंको नर्भिक अस्पताल रिफर गरिएको बताए।
तर, उपचारकै क्रममा गएराति भुजेलको मृत्यु भएको ओलियाले जानकारी दिए। उनका अनुसार सवारीसाधन ठिमी वृत्तमा राखिएको छ ।
प्रतिक्रिया दिनुहोस !
