विंगरले मोटरसाइकललाई ठक्कर दिँदा श्रीमान–श्रीमतीको मृत्यु
बुटवलः रुपन्देहीको सैनामैना–२, झारगैरामा विङ्गरको ठक्करबाट श्रीमान श्रीमतीको मृत्यु भएको छ।
मंगलबार विहान पश्चिमबाट बुटवलतर्फ आउँदै गरेको लु १ ज २२३० नम्बरको विंगरले सोही दिशातर्फ आइरहेको लु ९ प ४४८८ नम्बरको मोटरसाइकललाई ठक्कर दिएको थियो।
ठक्करबाट सैनामैना–२ झारगैराकै ४८ वर्षीया नारायण खनाल र उनकी श्रीमती ३२ वर्षीया कमला खनालको मृत्यु भएको प्रहरीले जनाएको छ। विंगरले सोही दिशाबाट आउँदै गरेको अर्काे साइकललाई समेत ठक्कर दिएको थियो।
ठक्करबाट साइकलमा सवार नरेश ठाकुर र उनकी छोरी पश्चिमा ठाकुर घाइते भएको इलाका प्रहरी कार्यालय रन्यौराले जनाएको छ। दुर्घटना लगत्तै फरार भएका विंगर चालक केही घण्टापछि प्रहरी कार्यालय पुगेका थिए।
प्रतिक्रिया दिनुहोस !
७
