सान्सुईका नयाँ एलईडी टीभी
काठमाडौः सान्सुईले नेपाली बजारमा थप दुई नयाँ मोडलका एलईडी टीभी भित्र्याएको छ । कम्पनीले नेपाली ग्राहकको मागलाई ध्यानमा राख्दै नयाँ टीभी भित्र्याएको हो । कम्पनीले मोडल ५५डीएन४युई र ४२डीएन४एफई बजारमा ल्याएको छ ।
कम्पनीका अनुसार मोडल ५५डीएन४युई टीभी ५५ इन्चमा उपलब्ध छ । अल्ट्राहाई डेफिनेसन (युएचडी) प्यानल रहेको यो टीभी फोरकेमा आधारित छ । जसले उत्कृष्ट डिस्प्लेका साथमा आनन्ददायी टीभी हेराइको अनुभव प्रदान गर्ने कम्पनीको दाबी छ । डब्ली साउन्ड सिस्टममा आधारित यो टीभीमा एलईडी ब्राइटनेस प्रविधिको प्रयोग गरिएको छ ।
यसमा प्रयोग भएको मेगा कन्ट्रास्ट रेसियोले उत्कृष्ट भिडियो अनुभव प्रदान गर्नेछ । टीभीले युएबीका साथै एचडीएमआई सपोर्ट गर्नेछ । तीन महिनाअघि नेपाली बजारमा भित्रिएको यो टीभी खरिदमा ग्राहकले १२ महिनासम्मको वारेन्टी पाउनेछन् । यसका साथै कम्पनीले ४२डीएन४एफई मोडलको टीभी पनि बजारमा ल्याएको छ । ४२ इन्चमा उपलब्ध यो टीभीको फिचर्स ५५डीएन४युई जस्तै रहेको कम्पनीले जनाएको छ ।
प्रतिक्रिया दिनुहोस !
