ट्याक्टरले किचेर तीन बालिकाको मृत्यु
जनकपुर : धनुषाको गोठकोएलपुर ९ मा ट्याक्टरले किचेर तीन बालिकाको मृत्यु भएको छ। बुधबार दिउँसो खेलिरहेका बालिकालाई इँटा बोकेको ज १ च ३६२२ नम्बरको ट्याक्टरले किच्दा घटनास्थलमै तीन बालिकाको मृत्यु भएको जिल्ला प्रहरी कार्यालय धनुषाले जानकारी दिएको छ।
इँटा लोड गरिएको ट्याक्टरको ढाला पल्टिएर बालिकामाथि परेको थियो। तिनै बालिकाको घटनास्थलमै मृत्यु भएको प्रहरीले बताएको छ।
मृत्यु हुनेमा गोठकोएलपुर ९ कै खोखिला साफीकी तीन वर्षीया छोरी सविता साफी, समा साफीकी छोरी पाँच वर्षीया संगीता साफी, फेकुवा साफीकी पाँच बर्षीया प्रिया साफीको मृत्यु भएको हो।
तीनै बालिकाको शव जनपुर अञ्चल अस्पतालमा पुर्याइएको छ। फरार ट्याक्टर चालकको खोजी भइरहेको प्रहरीले बताएको छ।
प्रतिक्रिया दिनुहोस !
७
