ब्रिटिस कलेजद्वारा रक्तदान

काठमाडौंः  ‘द ब्रिटिस कलेज’का विद्यार्थीले कलेज परिसरमा रक्तदान कार्यक्रमको आयोजना गरेका छन् । कलेजका विद्यार्थी संलग्न रहेको ‘सामाजिक उत्तरदायित्व क्लब’ले रक्तदान कार्यक्रमको आयोजना गरेको हो ।

नोबेल हस्पिटलसँगको सहकार्यमा गरिएको कार्यक्रममा ६० जना विद्यार्थीले रक्तदान गरेको कलेजले जनाएको छ । रक्तदान कार्यक्रममा कलेजका निर्देशक महेन्द्र कँडेलले विद्यार्थीले विशुद्ध शैक्षिक ज्ञानमात्र नलिएर सामाजिक उत्तरदायित्वसमेत बहन गर्नुपर्ने बताए । उनले विद्यार्थीले पढाइका साथसाथै सामाजिक र परोपकारी काममा पनि आफूलाई क्रियाशील गराउँदै लैजानु पर्नेबताए ।

त्यसका लागि कलेजले सहयोगी भूमिका निर्वाह गरिरहेको उनले उल्लेख गरे । बेलायती विश्वविद्यालय लिड्स बेकेट युनिभर्सिटी र युनिभर्सिटी अफ बेस्ट अफ इङ्ल्यान्डको सम्बन्धनमा बीएस्सी कम्प्युटिङ, बीबीए, एमएस्सी इन्टरनेसनल म्यानेजमेन्ट, एमबीए एक्जुकेटिभलगायतका कोर्स सञ्चालन गरिरहेको छ । आगामी वर्षदेखि कलेजले एमएस्सी इन्फरमेसन म्यानेजमेन्ट र एमबीए प्रोग्राम सञ्चालन गर्ने तयारी गरिरहेको छ । हाल ब्रिटिस कलेजमा अध्ययनरत १२ सयभन्दा बढी विद्यार्थी छन् ।