काभ्रेका भूकम्पपीडितलाई दिलजानले बनाइदिने
काठमाडौं: समाजसेवी डा. दिलजान मन्सूरले काभ्रेका भूकम्प पीडितका लागि एक सय १० वटा घर बनाउने बताएका छन्।
यसअघि पनि भूकम्प पीडितहरुलाई राहत वितरण गरेका उनले अहिले काभ्रेको चण्डनीमुण्डनी-२ माझी बस्तीमा भूकम्प पीडितका लागि एक सय १० वटा घर बनाउने घोषणा गरेका हुन्।
बिइङ होमो सेपिन्सको नामबाट समाजसेवा गर्दै आएका मन्सूर सोही संस्थाको नामबाट 'मिसन काभ्रे : शिक्षा र स्वास्थ्य विकासका लागि' भन्ने नाराका साथ भूकम्प पीडितलाई घर बनाइदिन लागेका हुन्। साथै उनले सो क्षेत्रका विद्यालय र हेल्थ पोष्ट पनि निर्माण गर्ने मिडिया एनपीलाई जानकारी दिए।
यसअघि मिसन जाजरकोटमा मन्सूरले त्यहाँका विद्यालय र स्थानीयबासीले आधुनिक पानी फिल्टर र औषधिहरु वितरण गरेका थिए। पेसाले चिकित्सक रहेका उनले आफ्नो पारिश्रमिक र कसैले उपलब्ध गराइदिएको सहयोग रकमले समाजसेवा गर्दै आएका छन्।
समाजसेवाकै लागि आफ्नो पुर्ख्यौली घर समेत बेचेका उनले काठमाडौं उपत्यकामा रहेका गरिब, असाहय बालबालिकाहरुलाई विभिन्न किसिमका सहयोग पनि गर्दै आएका छन्।
प्रतिक्रिया दिनुहोस !
