चोरीको मोटरसाइकलसहित दुईजना पक्राउ
मेलम्चीः चोरीको मोटरसाइकलसहित मेलम्ची प्रहरीले सोमाबार दुई युवालाई पक्राउ गरेको छ ।चोरीको बा५२प ९४२७ नंको १५० सिसीको पल्सर मोटरसाइकलसहित मेलम्ची नगरपालिकाका रविन तामाङ र काभ्रे तिमाल गाउँपालिकाका अभिषेक तामाङलाई पक्राउ गरेको इलाका प्रहरी कार्यालय, मेलम्चीले जनाएको छ ।
उक्त चोरीको मोटरसाइकल भक्तपुर सूर्यविनायक नगरपालिका-६ का राजेश सुवालको रहेको अनुसन्धानबाट पत्ता लागेको प्रहरीले जनाएको छ । पक्राउ परेका दुवैजनालाई थप अनुसन्धानका लागि जिल्ला प्रहरी कार्यालय, चौतारा पठाइएको छ । रासस
प्रतिक्रिया दिनुहोस !
