हिटाची ब्रान्डको उत्पादन नेपालमा
काठमाडौं: युनिभर्सल इलेक्ट्रोकम र हिटाची ब्रान्डबीच सम्झौता भएको छ । सम्झौतासँगै लक्की ग्रुपअन्तर्गत घरायसी उपकरण व्यापारिक संस्था युनिभर्सल इलेक्ट्रोकमले हिटाची ब्रान्डको घरायसी सामग्रीको बिक्रीवितरण गर्नेछ ।
हिटाची जापानको घरायसी उपकरणको बजारमा ख्यातिप्राप्त ब्रान्ड हो । उक्त साझेदारी कार्यक्रममा विभिन्न सेलिब्रेटी तथा सरकारी कर्मचारी पनि उपस्थित थिए । कार्यक्रममा हिटाची ब्रान्डका उत्पादनबारे जनाकारीसमेत प्रदान गरिएको थियो । कम्पनीकाअनुसार हिटाचीका उत्पादन प्राविधिक हिसाबले उच्चकोटीका छन् ।
कम्पनीले यो साझेदारीसँगै बजारमा हिटाचीको टीभी, एयर कन्डिसनर, रेफ्रिजेरेटर, भ्याकुम क्लिनर तथा ग्याँस चुल्हो नेपाली बजारमा भित्र्याएको छ । कार्यक्रममा युनिभर्सल इलेक्ट्रिकका कार्यकारी निर्देशक ललित मि श्रले नेपाली बजारमा हिटाचीको उत्पादनले ठूलो व्यापारिक हिस्सा ओगट्नुका साथै नेपाली उपभोक्ताको मन जित्न सफल हुने विश्वास व्यक्त गरे । यसको ऐतिहासिक विश्वव्यापी सफलताले नेपालमा पनि धेरै सम्भावना रहेको उनले बताए ।
प्रतिक्रिया दिनुहोस !
