लायन्सको महाधिवेशन सम्पन्न
काठमाडौं: लायन्स क्लब इन्टरनेसनल डिस्ट्रिक्ट ३२५ बी १ को पाँचौ महाधिवेशन शनिबार सम्पन्न भएको छ । नेपाल प्रज्ञा प्रतिष्ठान कमलादीमा आयोजना भएको अधिवेशनको प्रमुख अतिथि लायन्स क्लब इन्टरनेसनलका डाइरेक्टर सञ्जय खेतान रहेका थिए ।
बी १ का डिस्ट्रिक गभर्नरको अध्यक्षतामा भएको कार्यक्रममा पूर्वअन्तर्राष्ट्रिय डाइरेक्टर प्रविन छाजेर, जीएमटी एरिया लिडर नज्मुल हक, मल्टिपल काउन्सिलका चेयरपर्सन सुनिलभक्त श्रेष्ठलगायत, ए १, ए २ र बी २ का डिस्ट्रिक्ट गभर्नर पनि उपस्थित भएको क्लबले जनाएको छ । भृकुटीमन्डपदेखि पुतलीसडक हुँदै प्रज्ञा प्रतिष्ठानसम्म शान्ति पदयात्रा गरी सुरु भएको कार्यक्रममा स्मारिका विमोचन गरिएको थियो ।
कार्यक्रमको दोस्रो सत्रमा लायन वर्ष २०१७/१८ को नेतृत्व चयनका लागि डिस्ट्रिक्टका ६ सय २९ जना मतदाताले मतदान गरेका थिए । जम्मान खसेको मतमध्ये धनराज आचार्यले पाँच सय ६३ मत प्राप्त गरी डिस्ट्रिक्ट गभर्नर पदमा निर्वाचित भएका थिए । त्यसैगरी प्रथम डिस्ट्रिक्ट गभर्नरमा अशोक श्रेष्ठ मनोनित भएका छन् । दोस्रो भाइस डिस्ट्रिक्ट गभर्नरमा इन्दु लम्साल निर्वाचित भएका छन् ।
प्रतिक्रिया दिनुहोस !
