पेरुमा डिसेम्बरदेखि हालसम्म बाढी पहिरो
पेरु : पेरुमा गत डिसेम्बरदेखि हालसम्म बाढी पहिरोको प्रकोप जारी रहेको छ ।भारी बर्षापछि आएको यस बाढी पहिरोमा परी हालसम्म ७५ जनाको ज्यान गइसकेका भएको छ भने, ३० जना हराइरहेका छन् । त्यसैगरी यस घटनामा परी २६३ घाइते भएका छन ।
राष्ट्रिय आपतकालिन उद्धार केन्द्र (सिओइएन) ले सोमबार सार्वजनिक गरेको विवरण अनुसार सो जानकारीहरु दिइएको छ । डिसेम्बरको पहिलो सातादेखि सुरु भएको बाढी पहिरोले प्रभावित हुनेक्रम फेब्रुअरी सम्म बढी नै रहेका सिओइएनले जनाएको छ । बाढी पहिरोका कारण ६ लाख २७ हजार ४८ जना प्रभावित भएका छन भने, १ लाख १६९ जना विस्थापित भएका छन् ।
बाढी पहिरोले उत्तरपूर्वी क्षेत्रका तुम्बर्स पिउरा, लम्बायेक, ला लिबेर्टेड एन्कास, लिमा लगायतका प्रान्तहरु धेरै प्रभावित भएका छन् । सिओइएनले दिएको जानकारी अनुसार बाढी पहिरोका कारण एक हजार १०९ किलोमिटर बाटो भत्किएको छ भने, ३ हजार ८४९ किलोमिटर सडक प्रभावित भएको छ ।
झण्डै १५९ पुल पूर्णरुपमा क्षतिग्रस्त भएका छन् २७४ ओटा पुलमा नोक्सानी भएको छ भने ३३ ओटा राजमार्ग बन्द भएका छन् । दश हजार ६४२ घर पूर्णरुपमा क्षतिग्रस्त भएको, १२ हजार १२६ वटा घर प्रयोग गर्न नमिल्ने भएको र एक लाख ३४ हजार २९० घरमा नोक्सानी भएको जनाएको छ ।
रासस/सिन्ह्वा
प्रतिक्रिया दिनुहोस !
