टीभी बजारमा एलजीको नयाँ आयाम

काठमाडौं : एलजी इलेक्ट्रोनिक्सले दक्षिण कोरियाको सियोलस्थित आर एन्ड डी केन्द्रमा 'सुपर युएचडी टीभी लाइन फिचरिङ नानो' को उद्घाटन गर्यो । यसलाई विश्व टिभीको बजारमा एलजीको नयाँ कदमको रूपमा हेरिएको छ ।

नानो सेलका साथ निर्माण हुन लागेको कम्पनीको सुपर युएचडी टीभी सन् २०१७ को अप्रिलदेखि कोरिया, अमेरिकालगायत देशमा उपलब्ध हुनेछ । एलजीले निर्माण गर्न लागेको उक्त टीभीले विश्वभर टेलिभिजनको बजार तथा उद्योगमा विशेष महत्व राख्ने अपेक्षा गरिएको छ ।

एलजीको तेस्रो पुस्ताका रूपमा चिनिने सुपर युएचडी टीभीको नानो फिचरका सेलका टीभीले रंग, उत्पादन र प्रदर्शन गर्ने, शुद्ध र सफा इमेज प्रवाह गर्ने, प्रकाश तथा ध्वनिका तरंग शोषण गर्न सक्नेछ । कुनै विशिष्ट रंगलाई नयाँ र मिश्रित देखाउन सक्ने यसको प्रमुख विशेषता हो । यसका साथै उच्च र चहक दृश्यसहितको विभिन्न कोणबाट-टाढा वा नजिक जहाँबाट हेर्दा पनि प्रस्ट र वास्तविकता हेराइको अनुभव प्रदान गर्ने कम्पनीले जनाएको छ ।

नानो फिचरको उद्घाटन अवसरमा एलजीको सिग्नेचर ओएलईडी टीभीबारे चर्चा भएको थियो । आकर्षण डिजाइन र त्यसमा प्रयोग भएको प्रविधिले विश्व बजारमा तहल्का मच्चाइरहेको कम्पनीको दाबी छ । कोरिया तथा अमेरिकन बजारमा ठूलो मात्रामा प्रचलनमा आएको यो टीभीमा प्रयोग भएको स्मार्ट इमेज, आकर्षण डिजाइन र साउन्ड सिस्टम प्रमुख विशेषता हुन् ।

एलजीको सिग्नेचरसहितको ओएलईडी टीभीको डिस्प्ले टीभी उद्योगको उच्चस्तरीय प्रविधिअन्तर्गत पर्छ । यसको डिजाइन डब्लु७ श्रेणीको उत्कृष्ट र आकर्षक स्क्रीन भएको टेलिभिजनमा पर्दै आएको छ । ओएलईडी टीभी प्राविधिको मद्दतले यसले डिस्प्ले गर्ने चित्र-इमेजका रंग र प्रकृति वास्तविक-जीवन्त देखिने कम्पनीले जनाएको छ । कम्पनीको अनुसार चार एमएमसम्मका ६५ टीभी भित्तामा राखेर टीभी हेर्दा फरक अनुभव लिन सकिनेछ । एलजीको ओएलईडी टीभी लाइनमा पहिलोपटक बजारमा एटमस साउन्ड सिस्टमको प्रयोग भएको छ । टीभीमा प्रयोग भएको डब्ली एटमस साउन्ड सिस्टमले प्रयोगकर्तालाई वास्तविक संसारको अनुभव प्रदान गर्नेछ ।

कम्पनीको ७७ इन्च भर्जनका टीभीले बेस्ट अफ सीईएस इनोभेसान अवार्डबाट सम्मानित भइसकेको छ । यसका साथै कम्पनीले अबको केही समयमा कोरिया बजारमा फोरके ओएलईडी टीभीसमेत सार्वजनिक गर्ने जनाएको छ । यसैगरी, कम्पनीले एलजी ओएलईडी टीभी र सुपर युएचडी टीभीको एचडीआर क्षमता क्षमतामा पनि बढोत्तरी गरेको छ ।

वेब ओएस ३.०मा आधारित एलजीका स्मार्ट टीभीले आफ्ना सबै प्रिमियम उपभोक्ताको प्रयोगमा सुलभता ल्याएको छ । यसको म्याजिक रिमोट र म्याजिक लिंकले प्रयोगमा सहज र प्रभावकारी रहेको कम्पनीले जनाएको छ । कार्यक्रममा एलजी इलेक्ट्रोनिक्स होम इन्टरटेन्मेन्ट कम्पनीका अध्यक्ष ब्रेन नोनले एलजीको २०१७ टीभी लाइनअप फिचर स्टेट अफ द आर्ट प्रविधिमा आधारित रहेको बताएका छन् ।