विश्व मुख स्वास्थ्य दिवस आयोजना

काठमाडौं : विश्व मुख स्वास्थ्य दिवस नेपालमा विभिन्न कार्यक्रम आयोजना गरी मनाइएको छ । वल्र्ड डेन्टल फेडरेसनको आह्वानमा हरेक वर्ष मार्च २० का दिन विश्व मुख स्वास्थ्य दिवस मनाइने गरेको छ । 'जसको दाँत सबल, उसको जीवन सफल' भन्ने नारासाथ यस वर्ष यो दिवस मनाइएको छ ।

विश्व मुख स्वास्थ्य दिवस २०१७ को अवसरमा नेपाल डेन्टल एसोसिएसनले पेप्सोडेन्टको सहकार्यमा सोमबार आर्मी अफिसर क्लबदेखि काठमाडौंको विभिन्न स्थानमा मुख स्वास्थ्यसम्बन्धी बृहत् जनचेतनामूलक र्याली आयोजना गरेको थियो । र्यालीमा हजारभन्दा बढी डाक्टर, डेन्टल एसिस्टेन्ट, काठमाडौंका विभिन्न दन्त कलेजका विद्यार्थी सहभागी थिए ।

सहभागी सबैलाई पेप्सोडेन्टको तर्फबाट आकर्षक गिफ्ट ह्याम्पर प्रदान गरिएको थियो । यसका साथै निःशुल्क डेन्टल चेक–अप पनि आयोजना गरिएको संघले जनाएको छ । उपराष्ट्रपति नन्दबहादुर पुनको प्रमुख आतिथ्यतामा सम्पन्न कार्यक्रममा मन्त्री प्रेम बहादुर सिंहले सरकारले ल्याएको राष्ट्रिय मुख स्वास्थ्य नीति २०७० ले नेपालका सम्पूर्ण जनताले मुख स्वास्थ्यको गुणस्तरीय सेवा पाउने बताए ।

वल्र्ड डेन्टल फेडरेसनका अनुसार पेप्सोडेन्ट जस्तो फ्लोराइडयुक्त टुथपेस्टले दिनमा दुई पटक दाँतको ब्रस गर्नाले गिजा र दाँतलाई बचाउन धेरै मद्दत गर्छ । नेपालमा स्कुलका बच्चालाई मुख स्वास्थ्यबारे निरन्तर जानकारी दिन पेप्सोडेन्टले डेन्टल क्याम्पस, स्कुल अवेरनेस प्रोग्राम्स, स्माइल कारनिभलजस्ता विभिन्न गतिविधि गर्दै आएको छ ।