गल्फ लुब्रिकेन्टको टेक्निकल मिट सम्पन्न

काठमाडौं : गल्फ लुब्रिकेन्टको नेपालका लागि आधिकारिक वितरक नेपाल ल्युब आयल र काठमाडौंका लागि आधिकारिक वितरक एभ ट्रेडिङ प्रालिको आयोजनामा राजधानीमा टेक्निकल मिट सम्पन्न भएको छ । उक्त मिटमा दुई तथा चारपांग्रे सवारी साधनका मेकानिक्स, रिटेलर व्यवसायी तथा अटोमोबाइल सम्बद्ध दुई सयभन्दा बढी व्यक्ति सहभागी थिए ।

एभ ट्रेडिङका प्रबन्ध-निर्देशक मधुसूदन सिग्देलको सभापतित्वमा सम्पन्न कार्यक्रममा नेपाल यातायात व्यवसायी राष्ट्रिय महासंघका महासचिव सरोज सिटौला प्रमुख अतिथि र नेपाल अटोमेकानिक्स व्यवसायी महासंघका महासचिव ठाकुरप्रसाद न्यौपाने तथा नेपाल ट्रिपर तथा ट्रक व्यवसायी समितिका वरिष्ठ उपाध्यक्ष दिलबहादुर श्रेष्ठ विशिष्ट अतिथि रहेका थिए ।

उक्त अवसरमा महासंघका महासचिव सिटौलाले लुब्रिकेन्ट्सकै कारण यातायात व्यवसायीको व्यवसायसमेत वृद्धि हुने र यसले सडक दुर्घटनामा कमी ल्याउने बताए । नेपाल अटो मेकानिक्स व्यवसायी महासंघका महासचिव न्यौपानेले मेकानिक्सका लागि गरिएका यसप्रकारका कार्यक्रमले उनीहरूलाई लुब्रिकेन्टका विभिन्न प्रविधिबारे जानकारी प्राप्त हुने बताए ।

उक्त अवसरमा गल्फ लुब्रिकेन्टको प्राविधिक पक्षबारे जानकारी दिइएको थियो । नेपाल ल्युब आयल लिमिटेडले २५ वर्षभन्दा लामो समयदेखि गल्फ आयल निर्माण गरी बिक्री गरिरहेको छ । यसले गल्फ आयल इन्टरनेसनल र गल्फ आयल भारतसँग प्राविधिक सम्झौता गरी लुब्रिकेन्ट निर्माण गरेको कम्पनीले जनाएको छ ।