सिद्धार्थ कटेजमा हरेक शुक्रबार 'गजल साँझ'
नेपालगन्ज : सिद्धार्थ कटेज नेपालगन्जले चैत ११ गतेदेखि हरेक शुक्रबार 'सिद्धार्थ गजल साँझ' सुरु गर्ने भएको छ ।कटेजले आफ्ना ग्राहकलाई विभिन्न परिकारका स्वादसँगै संगीत पनि प्रदान गर्ने उद्देश्यले प्रत्येक शुक्रबार साँझ ६.३० बजेदेखि ९.३० बजेसम्म नेपाली र हिन्दी भाषाका गीत र गजल साँझ सुरु गर्न लागेको हो ।
गजल साँझमा नेपालगन्जका चर्चित गायक दीपक सल्मानी, किबोर्डमा पूर्ण थापा, ड्रममा समिर गुरुङ र गीतारमा समिर श्रेष्ठलगायतको सामूहिक प्रस्तुति हुने गजल साँझ कार्यक्रम संयोजक सुन्दर गुरुङले जानकारी दिए ।
शान्त र पारिवारिक वातावरणमा स्वादिष्ट परिकार उपलब्ध गराउँदै आएको सिद्धार्थ कटेजले आफ्नो सेवालाई थप प्रभावकारी बनाउँदै जाने क्रममा गजल साँझ सुरु गर्न लागेको सिद्धार्थ बिजनेस गु्रप अफ हस्पिटालिटीका महासचिव मुक्तिराम भण्डारीले बताए ।
प्रतिक्रिया दिनुहोस !
