गोली प्रहारबाट शिक्षक घाइते
चन्द्रपुरः रौतहटको बिश्रामपुरमा अज्ञात समूहले एक शिक्षकलाई गोली हानी घाइते बनाएका छन् ।यादवको टाउकोमा गोली लागेकाे र उनकाे अवस्था गंभीर रहेकाे बताइएकाे छ ।
बृन्दावन गाउपालिका ३ विश्रामपुर घर भई मकवानपुरको स्याङल्ङस्थित निम्न माध्यमिक विद्यालयका शिक्षक राम एकवाल राय यादवलाई घरमा सुतिरहेको बेलामा राति गोली प्रहार गरेको प्रहरीले जनाएको छ ।
उनको हेटौँडा स्थित चुरे हिल अस्पतालमा उपचार भइरहेको छ । घाइते यादवले जमिननापी गर्ने र खरीद बिक्री समेत गर्दै आएका थिए । बिदामा घरमा आएको बेला यादव लाई रिसिइवीको कारणले हत्या गर्ने प्रयास गरेको प्रहरीले अनुमान गरेको छ। घटनाको अनुसन्धान भैरहेको जिल्ला प्रहरी कार्यालय रौतहटका प्रमुख यज्ञविनोद पोखरले जानकारी दिए ।
प्रतिक्रिया दिनुहोस !
