हचुवामा अपांगताको तथांक तयार

महोत्तरी : एक गैरसरकारी संस्थाल हचुवाको भरमा महोत्तरीका अपाङ्ग व्यक्तिहरुको तथ्यांक संकलन गरेको सर्वाजननिक भएको छ । नेपाल नेत्रहीन संघ नायक संस्थाले सेभद चिल्ड्रेनको सहयोगमा तथ्यांक संकलनको नाममा मनपरी ढंगले तथ्यांक सर्वाजनिक गरेपछि महोत्तरीका अपाङ्गसंग सम्बन्धित संस्थालाहरुले विरोध जनाएका छन् ।

विश्वकर्मा अपाङ्ग संघ रामगोपालपुर, लोकतान्त्रिक अपाङ्ग संघ महोत्तरी , तराई अपाङ्ग कल्याण समाज बर्दिवास , प्रेरणा अपाङ्ग पुर्नःस्थापना केन्द्र सर्लाही र स्वयं सहयाता समाज महोत्तरीले उक्त तथ्यांकको संयुक्त विज्ञप्ती प्रकाशित गरि विरोध जनाएको हो ।

'सेभद चिल्ड्रेन जस्तो संस्थाले दिएको सहयोगमा अपाङ्गता जस्तो संवेदनशील व्यक्तिहरुको अभिलेखिकरण गर्दा नेपाल नेत्रहीन संघ नायक संस्थाले गैर जिम्मेवार क्रियाकलाप गरेको छ । जिल्लामा रहेको अपाङ्गता क्षेत्रमा काम गर्ने कुनै पनि संस्थालाई जानकारी नै नगराई अन्धाधुन्ध तरिकाले तथ्यांक संकल्न गर्नु ठीक होइन', जारी विज्ञप्तीमा उल्लेख गरिएको छ ।

नेपाल अपाङ्ग संघ महोत्तरीले आसमान नेपालको आर्थिक लगानीमा केही बर्षअघि गरेको सर्वेक्षणमा महोत्तरमिा आठ हजार दुई सय ६० जना मात्र अपाङ्गता भएका व्यक्तिको तथ्यांक सार्वजनिक गरेको थियो ।

राष्ट्रिय जनगणना २०६८ का अनुसार जिल्लामा १० हजार एक सय ६६ अपाङ्गता भएको तथ्यांक देखिएको थियो । तर, अहिले सेभ दि चिल्ड्रेनको सहयोगमा नेपाल नेत्रहीन संघ नायक संस्थाले जिल्लामा १८ हजार ९ सय २४ जना अपाङ्गको तथ्यांक सार्वजनिक गरेको छ ।

झन्डै दोब्बर अपाङ्गहरुको संख्या जिल्लामा कसरी, कहाँबाट र कुन आधारमा नायक संस्थाले तथ्यांक बाहिर ल्यायो ?' विज्ञप्ती मार्फत अपाङ्गसंग सम्बन्धित संस्थाहरुले प्रश्न उठाएका छन् ।

यता महिला तथा बालबालिका कार्यालय महोत्तरीमा सामाजिक सुरक्षा कार्यक्रम एवं अपाङ्गता परीचय पत्र व्यवस्थापन समन्वय समितिका अनुसार महोत्तरीमा हालसम्म चार हजार नौ सय मात्र अपाङ्गता परिचय पत्र प्राप्त गरेको छ ।

'कोही नछुटुन र कोही न दोहरीउन' नारालाई आत्मसात गरी सपाङ्ग व्यक्तिलाई पनि अपाङ्गको सूचीमा राख्नु गलत भएकोले उक्त संस्थाको तथ्यांक सच्याएर सार्वजनिक गर्नु पर्ने माग गरिएको छ । नेपाल नेत्रहीन संघ नायक संस्थाले हचुवाको भरमा सार्वजनकि गरेको तथ्यांकले राज्यप्रति आर्थिक भार बढाउने बताइएको छ ।