मोरङमा फेरि अर्को सवारी दुर्घटना, एकको मृत्यु
विराटनगरः मोरङको वयरवन–९ कानेपोखरीमा भएको दुर्घटनामा फेरि एक जनाको मृत्यु भएको छ। दुर्घटनामा परी मोरङ हसनदह–१ का २० वर्षीय अजित खवासको मृत्यु भएको इलाका प्रहरी कार्यालय पथरीका प्रहरी निरीक्षक राजन कार्कीले बताए।
बुधवार राति १० बजे बा ४० प १२९ नम्बरको मोटरसाइकलले थिचेर घाइते अवस्थामा खवासलाई प्रहरीले फेला पारेको थियो। उनको उपचारका क्रममा पथरी अस्पतालमा मृत्यु प्रहरीले जनाएको छ। घटना कसरी भयो भन्ने बारेमा खुलिनसकेको प्रहरीले जनाएको छ। शव पोष्टमार्टमका लागि मंगलबारे अस्पतालमा राखिएको छ ।
त्यसको अढाई घण्टा अघि मात्र बुधबार साँझ साढे ७ बजे सोही स्थानमा बस र मोटरसाइकल ठोक्किएर भएको दुर्घटनामा चार जनाको मृत्यु भएको थियो । मृत्यु हुनेमा मे ४ प ८५११ नम्बरको मोटरसाइकलमा सवार मोरङको लेटाङभोगटेनी–३ का तिलक लिम्बू, देवेन्द्र लिम्बू र ना ५ ख ५३८७ नम्बरको बसमा सवार रुपन्देहीका पुरुषोत्तम सुवेदी र टिका सुवेदी रहेका छन् । दुर्घटनामा परेर मृत्यु भएका सबैको बिहीबार विहानसम्ममा सनाखत भएको प्रहरी निरीक्षक कार्कीले बताए ।
प्रतिक्रिया दिनुहोस !
