बलवान बाहुबली

चलचित्र प्रदर्शन हुनुअघि कतिसम्म चर्चा पाउनसक्छ भन्ने उदाहरण बनेको छ, ‘बाहुबली २' । अहिले सिंगो बलिउडलाई छायामा पारेको यो चलचित्रको टिजर केही दिनअघि रिलिज गरिएको छ । टिजर रिलिज भएको २४ घन्टा नबित्दै पाँच करोडभन्दा धेरैले हेर्न भ्याए । बलिउड इतिहासमा यो आफैंमा एउटा रेकर्ड हो ।

टिजरको आकर्षण र बाहुबलीको पहिलो भागको सफलता र उत्सुकताले दर्शक चलचित्र ‘बाहुबली २'को पर्खाइमा छन् । दर्शकले निर्देशक एसएस राजामौली निर्देशित बाहुबलीको स्वाद बिर्सेका छैनन् । उनको निर्देशकीय चमत्कार सिक्वेलमा पनि झल्केको छ, जुन टिजरले पुष्टि गरिसकेको छ । चलचित्र बाहुबली हेरेपछि सबैमा एउटा उत्सुकता जागेको थियो, कटप्पाले आखिर बाहुबलीलाई किन मार्छन् ? यही उत्सुकताका कारण दर्शक बाहुबलीको दोस्रो संस्करण हेर्न आतुर देखिएका छन् ।

कटक्पाले बाहुबलीलाई मारेको दर्शकलाई थाहा छ तर त्यति विश्वासपात्रले किन मार्छन् भन्ने दर्शकलाई थाहा छैन । चलचित्र प्रदर्शनअगावै यो तथ्य थाहा पाउन सञ्चारमाध्यमले प्रयास गरे पनि चलचित्रमा कटक्पाका भूमिकामा देखिएका कलाकार सत्याराजले ‘निर्देशकले मार भनेर मारेको' भन्ने रमाइलो जवाफ दिएका छन् ।

अप्रिल २८ मा रिलिज हुने यो चलचित्रले चमत्कारी व्यवसाय गर्ने अपेक्षा गरिएको छ । अहिले बलिउडका साथै दक्षिण एसियामात्रै होइन, विश्वका कतिपय मुलुकमा बाहुबलीको ‘हाइप' आकासिएको छ । यसअघि बलिउडको कुनै पनि चलचित्रले यस्तो हाइप नपाएको कतिपय समीक्षकले तर्क गरेका छन् । बाहुबलीमा अभिनय गरेका कलाकार प्रभास, राणा दग्गुबाती, अनुष्का सेट्ठी, राम्या कृष्णन, तमन्ना भाटिया बाहुबली २ मा दोहोरिएका छन् । प्रभास चलचित्रमा शिवादु महेन्द्र बाहुबलीका रूपमा देखिएका छन् । बाहुबली राजकुमारका रूपमा जन्मिएका हुन्छन् । उनी उत्कृष्ट योद्धा र धर्मलाई सबभन्दा महत्ववपूर्ण ठान्छन् ।

बाहुबली हेरेपछि सबैमा एउटा उत्सुकता जागेको थियो, कटप्पाले आखिर बाहुबलीलाई किन मार्छन् ? यही उत्सुकताका कारण दर्शक बाहुबलीको दोस्रो संस्करण हेर्न आतुर छन् । कटक्पाले बाहुबलीलाई मारेको दर्शकलाई थाहा छ तर त्यति विश्वासपात्रले किन मार्छन् भन्ने दर्शकलाई थाहा छैन ।

भारु एक सय ८० करोडभन्दा बढी लागतमा निर्माण गरिएको बाहुबलीले ६ सय ५० करोड भारुको व्यवसाय गरी सबभन्दा धेरै कमाइ गर्ने दक्षिण भारतीय चलचित्रका रूपमा दरिएको थियो । यो चलचित्रको कथा महाभारत र रामायणबाट प्रेरित भएर लेखिएको थियो । चलचित्रमा भाइभाइबीच राजा बन्ने होडलाई राम्रैसँग चित्रण गरिएको थियो ।

बाहुबलीबाट लोभलाग्दो रूपमा छाएका नायक प्रभास अहिले बलिउडमा आकर्षणको पात्र बनेका छन् । उनको उत्कृष्ट अभिनय कलालाई सबैले मन पराएका छन् । उनले यस चलचित्रका लागि ‘बडी ट्रान्सफर्मेसन'को तालिमसमेत लिएका थिए । त्यसैगरी मार्सल आर्टलगायत विभिन्न प्रशिक्षण लिएका थिए । शारीरिक सुगठनका लागि उनले आफ्नो घरमै डेढ करोड भारु खर्च गरेर जिम हल तयार गरेका थिए । एजेन्सी