हिमालयको तेस्रो जहाज नेपाल आउँदै
काठमाडौं : निजी हवाई सेवा प्रदायक कम्पनी हिमालयको तेस्रो एयरबस चैत १८ गते नेपाल आउने निश्चित भएको छ । एयरलाइन्सले जहाजको निर्माण कार्य सम्पन्न भएको र टेस्ट फ्लाइटसमेत भइसकेको छ । डेढ महिनाअघि मात्रै दोस्रो एयरबस ल्याएको हिमालयले मलेसिया र म्यानमार उडान सुरु गरिसकेको छ।
हिमालयले तेस्रो जहाज आएपछि दमामलगायत एसियाका विभिन्न गन्तव्यमा उडान भर्ने तयारी गरेको छ । एयरलाइन्सले ल्याउन लागेको एक सय ५८ सिट क्षमताको ३२०-२१४ सिरिजको एयरबसको कल साइन नाइनएनएएलडब्लू छ । हिमालयले तेस्रो जहाजको उडान अप्रिलदेखि नै सुरु गर्ने बताएको छ ।
हिमालयले एयरबस कम्पनीबाटै सिँधै नयाँ विमान खरिद गर्न लागेको न्यारोबडी उक्त विमान जर्मनीको ह्याम्बर्गमा निर्माण भएको र टेस्ट फ्लाइट पनि सम्पन्न गरिसकेको एयरलाइन्सले जनाएको छ ।२०७१ सालमा नेपाल-चीनको सयुक्त लगानीमा स्थापित हिमालयले तीन वर्ष नपुग्दै तेस्रो विमान ल्याउने निश्चित भएको हो ।
एयरलाइन्सले यही सिरिजको विमान सन् २०१५ को मार्चमा पहिलो विमान ल्याएको थियो । त्यस्तै कम्पनीले दोस्रो विमान माघमा ल्याएको थियो । तिब्बत एयरलाइन्सको ४९ प्रतिशत लगानी रहेको हिमालयले २०७३ जेठदेखि दोहा, कतार र अक्टोबरदेखि कोलम्बो उडान सुरु गरेको थियो । यसैगरी माघ २८ गतेबाट मलेसिया तथा म्यानमार उडान सुरु गरेको थियो ।
प्रतिक्रिया दिनुहोस !
