गोयनका गु्रपको बिक्रेता भेटघाट

काठमाडौं : गोयनका गु्रपअन्तर्गत सञ्चालित गोयनका स्टिल्स प्रालि र गोयनका सिमेन्ट प्रालिको बिक्रेता भेटघाट समारोह गत शुक्रबार भैरहवामा सम्पन्न भएको छ । उक्त भेलामा गोयनका सिमेन्ट र स्टिल्सका काठमाडौं उपत्यका, बनेपा, त्रिशुली, धादिङ, बुटवल, भैरहवा, तौलिहवा तथा परासी क्षेत्रका बिक्रेताको उल्लेखनीय सहभागिता थियो ।

कम्पनीका अध्यक्ष रामगोपाल गोयनका र निर्देशक अजय गोयनका तथा अमितकुमार गोयनकाले भैरहवालाई कार्यथलो बनाई ५४ वर्षदेखि व्यापार गर्दै आएको र आफ्नो गु्रपको उत्पादन छड तथा सिमेन्ट उच्चकोटीको हुने हुँदा नेपाल अधिराज्यभरी अत्यधिक माग रहिआएको बताए । नियमित रूपमा निजी तथा सरकारी योजनामा आपूर्ति भइरहेको बताउँदै उनले कम्पनीले हाल नेपाल गुणस्तर बमोजिम एफई ५०० ग्रेडका गोयनका गोल्ड टीएमटी बार र ओपीसी, पीपीसी तथा पीएससी सिमेन्ट उत्पादन गरिरहेको बताए । साथै कम्पनीले चाडै भूकम्पप्रतिरोधी भवन निर्माणका लागि एफई ५०० डी ग्रेडका फर्मा टीएमटी पनि उत्पादन गर्ने लक्ष्य लिएको बताए ।

कार्यक्रमका प्रमुख अतिथि सीपी हिङगोरानीले गोयनका स्टिलको कारखाना अत्याधुनिक रहेको र यसका उत्पादन उच्च गुणस्तरका भएको बताए । सोही कार्यक्रममा कम्पनीका बिक्रेताले गोयनका समूहले उचित मूल्यमा उत्कृष्ट गुणस्तरका छड तथा सिमेन्ट माग भएको समयमा आपूर्ति गर्ने बताए । कम्पनीले उक्त कार्यक्रममा आफ्ना उत्कृष्ट बिक्रेता तथा कर्मचारीलाई सम्मान गरेको छ ।