प्रभु बैंक र एनसीएम मर्चेन्टबीच सम्झौता
काठमाडौं : प्रभु बैंक लिमिटेड र एनसीएम मर्चेन्ट बैंकिङ लिमिटेडबीच सम्झौता भएको छ । पुस ८ गते बसेको बैंकको पन्ध्रौं वार्षिक साधारणसभाले पारित गरेको १० कित्ता बराबर चार अर्थात् चुक्ता पुँजीको ४० प्रतिशतले हुन आउने दुई करोड ३५ लाख २५ हजार ६ सय आठ कित्ता हकप्रद सेयर निष्कासन गर्न एनसीएम मर्चेन्ट बैंकिङलाई निष्कासन तथा बिक्री प्रबन्धकमा नियुक्त गरिएको छ ।
उक्त सम्झौतापत्रमा बैंकको तर्फबाट प्रमुख कार्यकारी अधिकृत अशोक सेरचन र एनसीएम मर्चेन्टको तर्फबाट प्रमुख कार्यकारी अधिकृत विजयलाल श्रेष्ठले हस्ताक्षर गरेका थिए ।
प्रतिक्रिया दिनुहोस !
