झुण्ड्याएर युवकको हत्या
सिरहाः सिरहाको लहान नगरपालिका ३ स्थित आँपको बगैंचामा करिब २० वर्षका युवकको शव झुण्ड्याइएको अवस्थामा भेटिएको छ । सप्तरीको मलहनमा १ का देवनारायण साहको छोरा श्रवणकुमार साहको शव आपको रुखमा खुट्टा भुईँमै छुनेगरी झुड्यिाइएको अवस्थामा सोमबार बिहान भेटिएको इलाका प्रहरी कायाृलय लहानका प्रहरी निरीक्षक जुगेश्वर राउतले जानकारी दिए ।
मृततको शवको घटनास्थल प्रकृति मुचुल्का उठाएर पोष्टमार्टमका लागि लहानस्थित रामकुमार शारदा उमा प्रसाद मुरारका स्मारक अस्पताल ल्याइएको जानकारी दिंदै प्रहरी निरीक्षक राउतले घटनाको अनुसन्धान भईरहेको बताए । प्रहरीले अहिलेसम्म कसैलाई पनि पक्राउ गरेको छैन । मृतक साहको खुट्टामा तीन÷ चार ठाउँमा चक्कु प्रहार गरिएको घाउ रहेको र रगत बगिरहेकाले हत्या गरेर झुण्ड्याइएको हुन सक्ने आशंका गरिएको छ ।
लहान ३ स्थित ललकु मा.वि.बाट भर्खरै सकिएको माध्यमिक शिक्षा परीक्षा दिएका साह लहान अस्पताल चोकदेखि दक्षिण डेरामा भतिजसहित बस्दै आएका थिए । डेरामा अपरान्ह ४ बजेतिर कसैले फोन गरेर बोलाएपछि लहान ३ मा रहेको बस पार्क गएका उनको एकाएक मोबाइल स्वीच अफ भन्न थालेपछि साँझ प्रहरीमा उजुरी दिइएको भाउजु अनुकुमारी साहले बताइन् ।
अस्पताल चोकबाट दुई जना युवकले मोटरसाइकलमा राखेर बस पार्क पुर्याइएका उनीसँग त्यही युवकहरुसँग झैझगडा भएपछि घटना भएको हुन सक्ने आशंका गरिएको छ ।
प्रतिक्रिया दिनुहोस !
