चिनियाँ भू–भागमा सवारी आवागमन बन्द
रसुवा: नेपाल–चीनको उत्तरी नाका रसुवागढीबाट सवारी आवागमन बन्द भएको छ ।
सीमा प्रहरी चौकी, टिमुरेका अनुसार आइतबार साँझदेखि रसुवागढीबाट करिब १४ किमी पर चिनियाँ भू–भागको सडकमा माथिबाट सुख्खा पहिरो गई सडक अवरुद्ध भएपछि नेपाल आयातका लागि व्यावसायिक सामान बोक्नेलगायत सबैखाले सवारी साधन आवातजावत बन्द भएको छ ।
सडक खोल्न कम्तीमा तीनदिन लाग्ने चिनियाँ सुरक्षाकर्मीले जानकारी दिएका छन् । बा ६ ख ९७६५ नम्बरको आफ्नो कन्टिनर डिब्बा बाटोमै छोडी नेपालतर्फ आएको कन्टिनर चालक लाक्पा नुर्पु तामाङले बताए। रासस
प्रतिक्रिया दिनुहोस !
